LAOAG CITY – Nabuak dagiti agbuybuya iti uneg ti pagsinean idiay Shandong, China gapo iti maysaa a lalaki a saan aa makaanges gapo iti kankanen na a popcorn a nagsullat iti karabukob na.
Iti impormasyon, nakatutok dagiti tattao ti buybuyaen da idi naagaw ti atensyon da kadagiti agasawa a nakapuwesto iti tengnga ti pagsinean.
Itudtudo ti lalaki ti karabukob na nga arig na ibagbagbaga na a saan a makaanges.
Ginandat pay ti asawa na nga ipakat kenkuana ti Heimlich maneuver ngem saan na a kinabalaen isu gapo na a maysa kadagiti kadwa na ti nangaramid iti daytoy agingga a nairuar na met laeng ti bimmabaa iti karabukob na.
Naamoan a sakbay iti daytoy ket nadlaw nan nga arig na maltutan gapo iti panagkatawa na ti napigsa bayat a mangmangan.
