LAOAG CITY – Maysa nga agtawen ti 29 nga environmental activist idiay Ghana ti nakairekord ti world record kalpasan ti panangarakupna ti maysa a ribu a kayo iti uneg ti maysa nga oras.
Kinumpirmaran ti records keeping organization a Guinness World Records a ni Abubakar Tahiru ti baro a world record holder ti titulo a “Most Trees Hugged in One Hour.”
Daytoy ket kalpasan nga inarakupna ti 1,123 a kayo iti uneg ti maysa nga oras. Adda ti average-na a nakaarakup daytoy ti 19 a kayo iti kada minuto.
Naisayangkat ti record attempt ni Tahiru iti Tuskegee National Forest idiay Alabama, U.S.A.
Tapno mairaman iti bilang ti kada kayo, adda ti requirement ti Guinness a dagiti takiag ket sarado a maarakup ti bagi dagiti kayo.
Nasken nga agduduma a kayo ti arakupenna ken saan a mabalin nga agulit iti maymaysa a kayo. Saan nga ibilang ti kayo no naaddaan daytoy ti damage iti panangarakupna.
Malaksid iti panagbalin nga environmental activist, maysa a forestry student met ni Tahiru. Dimmakkel isuna iti farming community iti Tepa no sadino naaddaan daytoy ti panagayat iti aglawlaw.
Idi malpas ni Tahiru ti undergraduate degree iti forestry idiay Ghana, nagadal daytoy ti masteral degree iti forestry iti Auburn University idiay Alabama, U.S.A.
