LAOAG CITY – Maysa a lalaki idiay Missouri ti milagro a nakalasat manipud iti tallo a nagsasaruno a pannaka-stroke na gapo iti alisto ken kellaat a panangkuti na ti tengnged na.
Addaan ti active lifestyle ken napintas ti pammagi ti agtawen ti 35 a ni Joel Hentrich rason a nakigtot dagiti am-ammo na iti na-stroke iti napalabas a tawen.
Basar iti report, ti rason ti napasamak kenkuana ket gapo iti ruptured neck artery manipud iti panagay-ayam na ti pickleball.
Ti pickleball ket maysa nga sports nga agus-usar ti raketa, bassit a bola nga aramid ti plastic ken net ken maibagbaga a kombinasyon ti badminton, tennis ken pingpong.
Gapo ta nagbalin nga intense ti ay-ayam, saan a naaldawan ni Hentrich ti tengnged na ken dagus a naitaray iti ospital ken inpagarop da a whiplash injury laeng today.
Iti nakita a sintomas dagiti nurse ken doktor, patta-pattaen da a na-stroke today rason nga indalan da iti CT scan ken MRI ken nakumpirmaran a na-dissect ti artery a nagtrigger tapno ma-stroke iti namitlo a daras.
