LAOAG CITY – Inlawlawag ni Senior Insp. Grandeur Tangonan, hepe ti PNP Pasuquin ti pannakabagkong ti maysa a babai babaen iti asawa na niti Brgy Susugaen iti ili a Pasuquin
Nagtalinaed ti suspek a ni Amiel Abugan, agtawen ti 28, maysa a construction laborer ken residente iti nasao a lugar.
Kuna ni Tangonan a simmangpet ti suspek a nakainom manipud iti siduad ti Batac ken nagapada iti asawa na.
Inbatad na a bayat iti nabara a diskusyon dagiti agassawa ket bimmagkong ti suspek.
Nagsagaba ti biktima iti sugat iti akin kannawan a takyag na ken naagasanen niti RHU Pasuquin.
Awan pay ti kumpirmasyon no mangipila ti biktima ti reklamo kontra iti asawa na.
Naamuan a masansan ti panagapa da nga agassawa.
