LAOAG CITY – Maysa nga agtawen ti 43 a lalaki idiay Turkey ti nakagun-od ti baro a Guinness World Record iti titulo a “Longest Axe Throw.”
Nadanon ni Osman Gurcu ti distansia a 183 feet and 8.72 inches a maidasig iti kaatiddog ti maysa nga Olympic-size swimming pool.
Inabak ni Gurcu ti dati rekord a 143 feet nga iggem ti maysa nga Amerikano a ni Jesse Rood.
Saan daytoy ti umuna a Guinness title ni Gurcu gapu ta adda ti iggemna a walo a Guinness World Record title.
Naammoan nga uray saan unay a nakapagsanay gapu iti kinalamiis ken agtudtudo a panawen ket saan daytoy a nagbalin a lapped ken ni Gurcu tapno magun-od ti gagemna.
Sumagmamano a tinamaanna ti target ngem saan a dagus daytoy a dimket iti board.
Iti baet daytoy, saan daytoy a simmuko agingga a nagun-odna ti nasao a rekord.
Planona a padasen ti nagduduma a kategoria ti Guinness World Records.
