LAOAG CITY – Naarestar ti maysa a lalaki babaen ti bileg ti warrant of arrest iti ciudad ti Batac.
Binigbig ni Police Major Artemio Clemente, ti deputy chief of police iti ciudad ti Batac ti suspek a ni Gregorio dela Cruz y Agustin, taga Barangay Billoca iti nasao a ciudad.
Segun ken ni Clemente, ti suspek ket sumangsango ti kaso a Reckless imprudence resulting to homicide, physical injuries and damage to property.
Nairekomendar ti 30 ribo a pisos a piyansa ni dela Cruz para iti temporaryo a pannakawaya-waya na.
