LAOAG CITY – Nakigtot ti maysa a lalaki kalpasan a tiniliw dagiti kameng ti Philippine National Police (PNP) iti ili ti Currimao.
Naamoan a ti akusado nga agtawen ti 48, driver ken residente iti Barangay Maglaoi iti ili ti Currimao ket addaan ti standing warrant of arrest gapu iti kaso na a Reckless Imprudence resulting in damage to property.
Inbatad ni Police Capt. Chris Anthony Sorsano, ti chief of police iti ili ti Currimao, nakigtot ti akusado idi mapan da iserbi ti standing warrant of arrest na gapu ta inpagarop ti maseknan a nasolbaren ti nakainaigan na a desgrasya iti Metro Manila idi pay 2020 babaen iti nagserbi a legal officer na.
Nairekomendar ti dua ribo a pisos a piyansa ti akusado para iti temporary a pannakawaya-waya na.
Mainaig iti daytoy, inpakaammo ni Sorsano a winaya-wayaan da met laeng a dagus ti akusado kalpasan a nakabayad ti piyansa na a dua ribo a pisos.
