LAOAG CITY – Nasugatan ti maysa a lalaki kalpasan a binagkong ti kasinsin na iti Sitio Calanyag, Brgy. Foz iti ili ti Dingras.
Binigbig ni PLt. Jimmy Aganon, ti deputy chief of police iti PNP-Dingras ti biktima nga agtawen ti 35 idinto a ti kasinsin daytoy nga isu ti suspek ket agtawen ti 40.
Kuna ni Aganon a basar iti imbestigasyon ket nakatambay ti suspek iti parangaan ti pagtaengan da kadwana ti live in partner na idi ta nagturong iti lugarda ti kasinsin na.
Inbatad na siningir ti biktima ti live-in partner ti suspek iti utang na ngem rumrumuar nga insarita na a saan pay a makabayad.
Inpakaammo ni Aganon a bayat ti panagsasarita da ket ti agkasinsin ti nagriri agingga a nangala ti kutsilyo ti suspek ken isu ti naibagkong na iti biktima partikular iti buksit daytoy.
Kabayatanna, kuna ni Aganon a basar iti palawag ti suspek ket insarapa na laeng ti kutsilyo manipod iti panangkabil kenkuana ti biktima.
Immunan nga inpakaammo ti hepe nga adon a gundaway a narespondean ti biktima gapu iti panagprobokar ken adda iti impluwensya ti nasanger idi napasamak ti insidente.
Nagtalinaed iti kustodyar ti PNP-Dingras ti suspek ken manamnama a mapilaan ti miyannatop a kaso.
