LAOAG CITY- Manamnama a pilaan ti PNP Marcos ti dua a kaso ni Xander Baoit, agtawen 34, residente iti Brgy. Daquioag, iti Ili ti Marcos.
Segun kenni P/Senior Inspector Joseph Calderon, Hepe ti PNP-Marcos, malaksid iti panagsalungasing ti RA 9262 wenno “Anti-Violence Against Women and their children (VAWC) Act of 2004.
Kuna ni Calderon, nagkamang ti agnagan Maria Chevylle Ann Mabuti, live-in partner ti suspek, maysa nga empleyado iti Lokal a Gobierno iti Ili ti Marcos, agtawen iti 39, gapu iti masansan a panangdangdangra ni Baoit kenkuana ket saannan a maibturan iti kinaulpit ti asawana.
Gapu iti daytoy, nakita da pay ti maysa a plastic sachet a nabungon iti nakumel a papel a naglaon iti maatap a shabu idi bagkaten da dagiti pagmurenganda iti mismo a pagtaenganda.
Sumango pay ni Baoit iti maysa pay a kaso a panaglabsing iti RA. 9165 wenno panagusar iti maipawil a droga kontra ken ni Baoit kalpasan iti naiyuswat a warrant of arrest dagiti otoridad.
Iti agdama, addan ti kustudyar iti PNP para iti maipila a kaso kontra kenni Baoit.
