LAOAG CITY – Nagsagaba ti sugat iti ulo ti maysa a lalaki kalpasan a napaltugan ti escopeta wenno air gun iti Brgy. Acnam iti ili ti Nueva Era.
Nabigbig ti biktima a ni Sadam Buendia, agtawen ti 27, naasawaan, laborer ken residente iti nadakamat a barangay.
Segun ken ni PSSgt. Dexter Dumalag, iti PNP-Nueva Era, manarimaan ti parti ti baboy ti biktima idi ta aksidente a napaltugan ti ulo na babaen iti escopeta.
Kuna ni Dumalag nga iti naiyuswat a naun-uneg nga imbestigasyon, manarimaan ti panagescopeta ti kalapati ti kabsat ti biktima idi ta apaman a timmakder ket eksakto iti panangipaltog ti kabsat na iti escopeta.
Gapu iti daytoy ket natamaan ti ulo ti biktima ken dagus a naitaray iti Rural Health Unit iti ili ti Nueva Era ti biktima ngem naiyakar iti Mariano Marcos Memorial Hospital and Medical Center iti siudad ti Batac.
Iti agdama ket addan iti natalged a kasasaad ti biktima ken manamnama a makaruar iti ospital intuno bigat.
