LAOAG CITY – Natiliw ti nakamotorsiklo a lalaki iti quarantine checkpoint iti Barangay 16 iti ili ti San Nicolas gapu ta nakainom ti nasanger.
Nabigbig daytoy a ni Mark Angelo Berdadero, addaan ti umno a tawen ken residente met laeng iti nadakamat a barangay.
Segun ken ni Police Major Joseph Baltazar, ti chief of police iti ili ti San Nicolas, mismo a dagiti opisyal ti barangay ti nangtiliw ken ni Berdadero kalpasan a namintallo a daras a naglabas-labas iti checkpoint.
Innayon na nga iti panangsita dagiti opisyal ti barangay iti lalaki ket naduktalan da a nakainom ti nasanger ken awan ti naipakita na a pass slip.
Malaksid iti daytoy, awan pay ti naipakita ni Berdadero a lisensya na nga agmaneho ken dokumento ti nagluganan na.
