LAOAG CITY – Agtultuloy ti imbestigasyon ti Philippine National Police (PNP) mainaig ti pannakapaltog a poon ti nakatayan ni Armando Bayudan iti Barangay Parado, Dingras, Ilocos Norte.
Segun ti kabsat iti ina ni Bayudan a ni Mr. Rudy Bayudan Dichoso Sr., aggapo ti biktima iti ciudad ti Laoag, dimmagas iti balay da iti Barangay Medina iti ili a Dingras, ken idi agawid koman idiay Barangay Elizabeth iti ili a Marcos ket isu metten ti pannakapaltu-paltog na iti paset ti Barangay Parado iti ili a Dingras.
Immuna ti daytoy, kuna ni Dichoso nga adda dagiti nakapansin a bayat ti kaadda ni Bayudan iti balay da ket adda ti dua nakamotorsiklo a nagpalpalikos isut gapu na nga idi nakatalawen ket adda napan nangibaga kenkuana a mapan da sarunwen ti biktima.
Inbatad na nga iti napan da sinaruno iti anak na ti kabsat a ket nakita da lattan a nakadasay.
Kinumpirmaran ni Dichoso a kagapgapu ti kabsat a napan nagatendar iti hearing seknan ti sangsangwen na a kaso ken nangabak daytoy.
Kuna na a daytoy ket pakaseknan pay laeng ti pannakaiyuswat ti search warrant operation a naiyuswat iti balay ti kabsat na.
Mainaig iti daytoy, inbatad ni Police Senior Inspector Chris Anthony Sorsano, ti chief of police iti Dingras, Ilocos Norte a kinumpirmaran ti SOCO a kalibre 40 a paltog ti nausar a paltog iti pannakapapatay ken ni Bayudan.
Segun kenni Sorsano, nakarekobre da iti innem nga empty shells ken maysa a deformed slug ti nasao a paltog iti nakapasamakan ti krimen.
Inlawlawag na nga apaman a naidanun kadakuada ti napasamak a pammaltog ket dagus da a nagresponde ken kinamat dagiti tallo a kakadwa na dagiti suspek a nakalugan ti mio motorcycle.
Innayon ni Sorsano nga adda pay ti innem a plastic sachet a naglaon ti maipagarop a shabu.
