LAOAG CITY – Natay ti maysa a lalaki a menor de edad kalpasan a nagbekkel iti Brgy. Dariwdiw idiay ciudad ti Batac.
Binigbig ni Police Senior Inspector Eddie Suyat, deputy chief of police iti PNP-Batac ti biktima a ni Angelu Ignacio, agtawen iti 14, Grade 8 student ken residente met laeng ti nasao a barangay.
Segun ken ni Suyat, mismo a ti ikit ti biktima a ni Marilou Bulalayao ti napan nangireport kadakuada ti napasamak iti kaanakan na.
Inbatad na a basar kenni Bulalayao, mismo a ti ama ti biktima a ni Mr. Emilio Ignacio ti nakakita ti nakabitin a bangkay ti anak na iti uneg ti balay da.
Inlawlawag ni Suyat a sakbay a nagpakamatay ti biktima ket sinermunan dagiti nagannak na gapu ti saanna a panangipaspasnek ti panagadal na ken maisungsungsung kadagiti barkada na.
Nupay kasta, saan a ninamnama dagiti nagannak na nga agpakamatay ti menor de edad gapu ti possible a sakit ti nakem na.
