LAOAG CITY – Inarestar ti PNP-Banna ti maysa a nakalugan iti motorsiklo bayat ti naisayangkat a checkpoint iti paset ti Banna-Batac road bisinidad ti Brgy Valenciano, Banna, Ilocos Norte.
Nabigbig ti naarestar a ni Jay-Ar Garganta y Daling, agttawen ti 30, naasawaan ken residente iti Brgy. 26 Parangopong, Batac City.
Segun ti nasao a cuerpo ti pulisya, naarestar ni Garganta gapu ti bileg ti warrant of arrest nga inparuk-at ni Acting Presiding Judge Jose Godofredo M. Naui iti RTC Branch 27, Bayombong, Nueva Vizcaya napetsaan ti September 20, 2018 gapu iti panagsalungasing ti PD 1602 kas naamendaran ti RA 9287.
Awan ti nairekumendar iti akusado a piyansa na para iti temporaryo a pannakawayawaya na.
