LAOAG CITY – Inarestar dagiti kameng ti PNP-Bangui ti maysa nga agnagan ti Ruben Rivera y Salcedo, agtawen ti 44, naasawaan ken residente ti Brgy Tanap iti ili ti Burgos, Ilocos Norte.
Daytoy ket babaen ti bileg ti warrant of arrest nga inparuk-at ni Hon. Judge Conrado Ragucos iti RTC Branch 19 iti ili ti Bangui gapu iti kaso a panagsalunagsing ti RA 9262 weno Economic Abuse.
Naaretsar ni Rivera bayat ti kaadda na iti paset ti Brgy. 1, San Lorenzo, Bangui, Ilocos Norte idi kalman.
Insigida met nga inpadalan da ti medical exmination ti suspek ken naikkan ti gundaway a makapagpiyansa iti 24 a ribo a pisos para iti temporaryo a pannakawayawaya na.
Iti agdama ket nagtalinaed ti suspek iti kustodyar ti PNP-Bangui para iti dokumentasyon ken naan-anay a disposisiyon.
