LAOAG CITY – Balligi a natiliw ti maysa a lalaki iti paset ti Brgy. 16, San Jacinto ditoy Siudad ti Laoag.
Daytoy ket babaen ti inyuswat a drug buy-bust operation dagiti kameng ti PNP-Laoag ken ti Philippine Drug Enforcement Agency (PDEA).
Nabigbig ti suspek a ni Gerardo Agngaray y Mesina, agtawen ti 33, awanan asawa ken residente iti Brgy. Bayog iti ili ti Burgos.
Nakumpiskar iti nasao a suspek ti bassit a paper bag nga agmaris ti brown ken naglaon ti 5 a plastic sachet a naglaaon ti maatap a bulong ti napagango a marijuana ken maysa a plastic sachet a naglaon ti maipagarup a shabu pakairamanan pay ti maysa a ribo a pisos a nausar iti transaksyun.
Malaksid kadayta, naala pay manipod iti suspek ti maysa nga home made caliber 22 revolver ken tallo a bala .
Kabayatanna, naiget met a naglikudan ti suspek a kukuana dagiti nakumpiskar kenkuana.
