LAOAG CITY – Naarestar ti maysa a lalaki kalpasan a maipagarop a nagtakaw iti Discolandia iti Barangay 1 ditoy ciudad ti Laoag.
Nabigbig daytoy a ni Dexter Agustin, agtawen ti 20, Barangay 26 iti ili ti Piddig.
Iti eksklusibo nga interview ken ni Mrs. Teresa Gurapo, cashier iti Aries Disco, napan nakiang-angaw ti nasao a suspek kadagiti sumagmamano nga agtrabtrabaho iti bar.
Inlawlawag na a gapu ta kayat na nga agawiden ti suspek ket inikkan da ti 50 a pisos a pagplete na, kalpasan na ket napan iti comfort room.
Inbatad na nga iti panagturong na iti kwarto da ket nakigtot gapu ta naka-padlock ken idi malukatan na ket ditoy a nakita da ti suspek a suot na ti jacket ti asawa na ken madlaw nga ado ti karga ti bulsa na.
Innayon na nga iti panangukag da ti bag ti suspek ket ditoy a nakita da ti sumagmamano a gamit da kas ti speaker, underwear, pitaka nga awan ti karga na ken dadduma pay.
Kabayatanna, inbatad met ti suspek a napan na laeng kinita no napintas ti kwarto da Gurapo ken inlock na ti ridaw gapu ta agamak gapu iti posible a dangran da daytoy nmi makita da.
Naduktalan a ti suspek ket nakasuot pay ti underwear ti babai isut gapu na a patien ni Gurapo nga adda ti problema ti panagpanpanunot ti nasao a suspek.
Saan pay a sigurado ni Gurapo no pilaan da ti reklamo ti suspek wenno saan.
