LAOAG CITY – Nasugatan ti maysa a lalaki kalpasan a nabagkong babaen ti nakainnoman na iti ili ti Dingras.
Nabigbig ti biktima a ni Albert Carbonel, agtawen ti 27 maysa a mannalon ken residente iti Brgy Elizabeth iti ili ti Dingras ken ti suspek ket ni Jeric Diego, agtwen ti 30, naasawaan, agpapaay ti DWPH ken residente ti Brgy Manalpac iti ili ti Solsona.
Segun ti PNP, agawid kuma ti suspek ngem kinomprontar ti biktima rason a binagkong ni Diego ti iggem na a natadem a banag kenni Carbonel.
Dagus a naitaray ni Carbonel iti Dingras District Hospital ngem naiyakar iti Gov Roque Ablan Sr. Memorial Hospital.
Nagtalinaed ni Diego iti kustudiyar ti PNP Dingras ken maisagsaganan ti reklamo a maipila kontra kenkuana.
