LAOAG CITY – Naet-etan ti tengnged ti maysa a driver ti kurong-kurong kalpasan a nasapgud na ti nakadawadaw a waya iti paset ti Brgy. 51-A, Nangalisan ditoy ciudad ti Laoag.
Nabigbig daytoy a ni Rodrigo Pascua y Damo, agtawen ti 50, naasawaan ken residente ti Brgy. 6 iti ili ti san Nicolas.
Segun ti report, kabayatan ti panagpataray ti driver ket saan a nakita na a nakita ti nakabitin a waya ti telepono.
Basar ti imbestigasyon dagiti otoridad, ti nasao a waya ket kukua ti PLDT Corporation.
Ti nasao a biktima ket nagtalinaed ti Governor Roque Ablan Sr. Memorial Hospital ditoy ciudad ti Laoag.
Agpapan maisursurat ti damag ket awan pay ti palawag ti nasao a kumpanya no apay nga agbibitin ti waya.
