LAOAG CITY – Kinumpirmaran ni Police Senior Inspector Jephre Taccad, ti chief of police iti Piddig, Ilocos Norte a napila dan babaen ti inquest ti kaso a panaglabsing iti Art. 177 ti Revise Penal Code wenno Usurpation of Authority kontra ken ni Frederick Mateo, agtawen ti 42 ken residente ti Bgy. 17 Dupitac ti nasao nga ili.
Immuna ti daytoy, natiliw ni Mateo gapu ti panagarwat na iti uniporme a camouflage ken nagpammarang pay daytoy a kameng iti Armed Forces of the Philippines (AFP).
Nupay kasta, naduktalan a saan a pudno a kameng ti AFP wenno CAFGU basar iti panagim-imbestigar ti PNP.
Iti agdama, nagtalinaed iti kustodyar ti PNP-Solsona ni Mateo gapu ta awan pay ti pagbaludan ti PNP-Piddig.
