LAOAG CITY – Positibo ti resulta ti panagresponde dagiti kameng ti PNP-San Nicolas iti paset ti Bgy. Barabar panggep ti panagprobokar ti maysa a lalalki.
Ditoy a natukmaan da ti agnagan iti George Bonilla, agtawen ti 41 a manarimaan ti panagprobokar na.
Segun ken ni P/Insp. Paul Bendict Parado, Hepe ti Pulisya ti nasao nga ili, adda ti kinariri ti suspek rason a nagprobokar.
Kuna na a naala da iti ikot na ti maysa a paltog a revolver, maysa a bassit a plastic sachet a naglaon iti maatap a marijuana, 2 a plastic sachet a naglaon iti maatap a shabu ken kuwarta a nasurok a sangaribo a pisos.
Innayon ni Parado nga awan iti listaan da kadagiti drug personality ni Bonilla ken saan met daytoy a drug surnderee.
Nupay kasta, kuna na kas proceso, gapu ta in “plain view” a naala da dagiti nasao a banag iti ikot ni Bonilla ket dumalan ti eksaminasyon dagitoy ken isagsagana dan ti maipila a reklamo kontra iti daytoy.
