LAOAG CITY – Nagriri ni Mr. Ronel Magarin, residente iti Brgy. Dipilat iti ili ti Vintar kalpasan a sinita dagiti opisyal ti Brgy. 1 nga expired ti OR ti motorsiklo na.
Daytoy ket mainaig ti maipagarup a saan a patas ti pannakaticket na babaen dagiti opisyal.
Kuna na nga adu pay dagiti dadduma nga agiturturong ti motorsiklo nga awan ti plate number na ken dadduma pay.
Segun kenni Magarin, mapan kuma agrehistro iti motorsiklo na iti Land Transportation Office ngem sinita dagiti opisyal ken nakita da nga expired ti OR na.
Kabayatanna, inlawlawag ni Barangay Chairman Cesar Bonoan iti Brgy. 1 Vintar a sursuruten da laeng ti linteg rason nu apay a sinita dagiti opisyales na ni Magarin.
Inbatad ni Bonoan a ti saan a nakarehistro a motorsiklo ni Magarin ket isu ti makagapu nu apay a tinicketan da daytoy.
Inlawlawag na kaaraman iti linteg a sursuruten da iti pannakaiparuk-at ti ticket kadagiti awan ti lisensya ken or/cr na.
Mainaig iti daytoy, inpablaak ni Bonoan a saan da nga agkumkumpiskar ti lisensya wenno or/cr iti motorsiklo nu diketdi ikkan da laeng dagitoy ti ticket a kasapulan a mabayadan iti municipal treasure’s office.
