LAOAG CITY – Nagsagaba ti sugat iti nagduduma a paset ti bagi ti maysa a lalaki kalpasan a nadegsrasya iti escoda road a paset ti Brgy. 11 iti ili ti Sarrat.
Basar iti imbestigasyon dagiti otoridad, agpapadaya a direksyon ti biktima a naggapo iti ili ti San Nicolas ken agawid iti Brgy. Manalpac iti ili ti Solsona.
Nu pay kasta, kabayatan ti panagdalyasat na iti nasao a kalsada, kellat nga adda ti limmasat nga aso rason a nadesgrasya daytoy.
Iti agdama, nagtalinaed iti ospital ti lalaki para iti naan-anay a pannakataming na.
Naamoan nga adda iti impluwensya ti nasanger ti lalaki idi napasamak ti insidente.
