(Update) LAOAG CITY – Naipilan ti reklamo a two counts ti Frustrated Murder ken two counts ti Attempted Murder kontra ken Jeremy Magaoay awanan ti asawa tubo ti Brgy. Natba, Bacarra, Ilocos Norte ngem agdama nga agin iti Brgy. Poblacion #3, Pasuquin, Ilocos Norte.
Daytoy ket kalpasan nga intudo dagiti biktima a da Jhon Lord Abriol agtawen ti 23, awanan ti asawa, vendor, ken Herman Acoba agtawen ti 21 agpada a residente ti Bgy. Binsang iti ili a Pasuquin a nangpaltopaltog kadakuada.
Segun iti PNP-Pasuquin, adda ti makaumanay nga ebidensiya tapno agpursige ti reklamo kontra iti nasao a suspek rason a pinilaanda daytoy.
Nairekumendar ti Two Hundred Thousand Pesos (Php 200,000.00) tunggal maysa para iti kaso a frustrated murder ken One Hundred Twenty Thousand Pesos (Php 120,000.00) tunggal maysa iti kaso nga attempted murder kontra iti nasao a suspek para iti temporaryo a pannakawayawaya na.
Maipalagip a napasamak ti pammaltog iti parbangon ti Junio 3 bayat a nakalugan nga gapadpada dagiti biktima ken ti suspek iti motorsiklo ket maipagarup a kinagura ti suspek ti panangkantiyaw ken panangbugkaw da kenkuana bayat a linabsan da rason a kinamat na dagitoy kalpasan na ket pinaltupaltugan na babaen ti panangaramat na ti kalibre 45 a palotg kalpasan na ket inpurwak na.
