LAOAG CITY – Natiliw ti maysa a lalaki kalpasan iti naiyuswat a drug buy bust operation ti PNP-Laoag iti paset ti Vintar road bisinidad ti Brgy. 55 B,ditoy ciudad ti Laoag.
Nabigbig ti suspek a ni Leithon Bareng, agtawen 31, awanan asawan, residente ti Brgy. 24, Laoag City.
Naala da dagiti nangiyusuat ti operayon ti maysa a plastic sachet a naglaon iti maatap a shabu, selpon, agarop 400 a pisos ken iti 1,000 peios a marked money iti biktima.
Nupay, naglikudan ti suspek iti alegasyon kontra kenkuana.
Kinuna ni Bareng nga adda iti nakamotorsiklo a nangabay kenkuana kalpasan na ket inbaga da nga adda naregreg na ngem awan met.
Idi pagammuam ta adda nangbangen ti pagnaan na a maysa met laeng a nakamotorsilko ken adda da da pay sabsabali a a nakalugan iti SUV.
Kinaot da ti bulsa na a nangibagaan na nga awan ti maala da kenkuana ngem masdaaw gapu ta adda met inpakita da a sachet.
Mamati ni Bareng a minulaan da isuna ket makunsensiya koma dagiti nangaramid kenkuna ti nasao nga operasyon.
Mamati pay ni Bareng a ti saan da panagkinnaawatan iti kapitan ti barangay da iti mabalin a nangaramidan da kenkuana ti nasao nga operasyon.
Awan met sungbat ti PNP-Laoag iti nasao nga alegasyon bayat a maisursurat daytoy a damag
