LAOAG CITY – Nabirukanen ti lalaki a nalmes iti waig idiay Bgy. Quiling Norte, Batac City kalpasan a daytoy ket naitaw-ang
.
Segun ken ni P/Supt. Marlon Paiste, hepe ti pulisya iti nasao a ciudad, agarup ala 1:30 idi malem kalman idi mabirukan ti biktima a ni Bryan Rabanal, agtawen iti 27 ken agnaed met laeng iti nasao a barangay babaen ti pannulong ti Philippine Coastguard.
Kuna ni Paiste, saan unay nga adayo iti nakabirukan ti biktima manipud iti nakaitaw-angan na.
Linaw-lawagan pay ni Paiste nga adda kadua ti biktima idi malmes daytoy gapu ta adda piknik da nga agbabarkada ngem idi nakainum ti nasanger ket napan nagdigos ngem naitaw-ang ken saanen a limmung-aw.
Kuna pay ni Paiste a narigatanda idi kalman a nangbirok ti biktima gapu ta nauneg ti lugar a nakalmesan na ken awan “foul play” ti pannakalmes na.
