LAOAG CITY – Nagsagaba ti sugat iti ulo ti maysa a lalaki kalpasan a naidungpar ti inturong na a tricycle iti concrete barrier iti paset ti bypass road, bisinidad ti Brgy. Tangid ditoy siudad ti Laoag.
Nabigbig ti biktima nga adda iti umno a tawen ken residente iti Brgy. 50 Buttong ditoy siudad.
Basar iti nakalap nga impormasyon ti Bombo Radyo Laoag, agpaabagatan a direksyon ti tricycle idi ta kellaat a nadungparna ti conrete barrier iti bypass road.
Gapu iti daytoy, naitim-og ti ulo na iti driver’s shade ti tricycle rason a nasugatan.
Naipan ti biktima iti Governor Roque Ablan Senior Memorial Hospital ditoy siudad para iti pannakamating na.
Kabayatanna, rumrumuar nga adda iti impluwensya ti nasanger ti biktima ken naggapo iti maysa a picnic.