LAOAG CITY – Nasugatan ti maysa a lalaki kalpasan a tinagbat ti pada na met laeng a lalaki usar ti buneng iti Barangay 38-B, Mangato ditoy ciudad ti Laoag.
Binigbig ni Barangay Chairman Benito Mateo ti biktima a ni Johnny dela Cruz, agnanaed iti Barangay Calayab ditoy ciudad idinto a ti suspek ket ni Edgar Borromeo residente iti Barangay Mangato.
Segun kenni Mateo, awan ti ammo na a nagririan dagiti dua pamilya.
Kuna met ni Police Staff Sgt. Junel Mangapit iti PNP Laoag, saan pay a nairecord ti insidente iti police blotter gapu ta saan a makasarita a naimbag ti biktima.
Rumrumwar a nabartek ti biktima idi rabii a simrek iti pagtaengan ni Borromeo rason a napasamak ti insidente.
Nasugatan ti akin kannawan a pingping ni dela Cruz.
Manamnama a maamuan ti desisyon ti pamilya ti biktima kontra ti suspek.
