LAOAG CITY – Agtultuloy a maag-agasan ti maysa a lalaki kalpasan a nabagkong iti Brgy Abucay iti ili a Piddig.
Nabigbig ti biktima a ni Rexon Matute, agtawen ti 34, naasawaan, maysa a backhoe operator ken residente iti nasao a lugar.
Segun ti initial nga imbestigasyon dagiti otoridad, binagkong ti kasinsin na a ni Crislee Matute, agtawen ti 32 maysa a mannalon naasawaan ken residente ti nasao a lugar.
Dagus a naitaray ti biktima iti Piddig District hospital ngem dagus a nai yakar iti Gov Roque Ablan Sr. Memorial Hospital gapu ti sinagaba na a sugat iti buksit.
Nagtalinaed ti suspek iti kustudyar ti PNP Piddig para ti pannakaipila ti reklamo.
