LAOAG CITY – Agtultuloy a maag-agasan ti maysa a biktima kalpasan a nabagkong babaen ti nakainoman na idiay Sitio Recta, Brgy Saud, Pagudpud, Ilocos Norte.
Nabigbig ti biktima a ni Jay-Ar Duldulao, agtawen ti 23, awanan asawa, maysa a mannalon residente ti nasao a lugar.
Segun ti PNP, timpuar ti saan a panagkinnaawatan ti biktima ken ti suspek a ni Boy Parker Garon, agtawen ti 25, maysa a mangalap rason ti pannakabagkong ni Duldulao.
Nasugatan met ti bibig ni Angel Duldulao y Auguitan, agtawen ti 22, maysa a laborer ken residente iti nasao a lugar a kadua da a naginom idi rabii.
Kalpasan ti pammagkong ket insegida a nagtalampuagaw ti suspek.
Immuna a naitaray ti biktima iti Bangui District Hosptal ken insegida a naitaray iti Mariano Marcos Memorial Hosptial and Medical Center iti siudad ti Batac.
