LAOAG CITY – Natay ti maysa lalaki ken nasugatan dagiti kakadua na kalpasan a nadesgrasya ti nagluganan da a tricycle iti Brgy. 40, Buyon iti ili ti Bacarra. Ilocos Norte.
Pimmusay ti driver ti tricycle a ni Ronald Tupaz, addaan ti umno a tawen, construction worker ti Prime Water ken residente ti Puro Masbate idinto a nasugatan da Lino Tehedero, agtawen ti 24; Noli Muraga, agtawen ti 40; Edison Peñaflor, agtawen ti 25 agpapada a residente iti nasao a lugar; ken ni Alvin Dianino, agtawen ti 28 ken residente idiay Tacloban, Leyte.
Segun ti imbestigasyon ti PNP, napan da nagatendar ti street party idiay Brgy. Parot, Vintar ken idi agawid da ket napukawan ti kontrol ti tricycle.
Gapo iti daytoy, naidungpar ti tricycle iti maysa a puon ti kayo ken nagderetso da iti kanal.
Naitaray dagiti biktima iti Roque Ablan Sr. Memorial Hospital ditoy ciudad ti Laoag ngem naidekla a dead on arrival ti driver ti nasao a tricycle.
Agtultuloy a maag-agasan dagiti nasugatan iti agdama.
