LAOAG CITY – Natay ti maysa a driver ti puraw nga Starex Van kalpasan ti nakaam-ames a pannakadesgrasya na iti Brgy Hilario iti ili a Banna.
Binigbig ni Police Chief Insp. Artemio Clemente, hepe ti PNP Banna ti biktima a ni Freddie Reduquero y Nudo, agtawen ti 39, residente ti Brgy Medina iti ili a Dingras.
Kuna na a saan pay a madeterminar ti pudno a napasamak iti biktima ngem babaen ti innuman da kadagiti residente iti nasao a lugar ket napataray ti biktima nga agpaamianan a direksyon.
Segun kenni Clemente, totally wrecked ti nagbalinan ti van gapu ti pannakaiungpar na kadagiti kaykayo iti igid ti national highway ti nasao a barangay a poon a naipit ti biktima.
Innayon ni Clemente a saan da pay a madeterminar no pudno a nakainom ti biktima a nagmaneho ti van.
Agtultuloy ti imbestigasyon da mainaig ti nasao a desgrasya.
