LAOAG CITY – Natay ti maysa a lalaki kalpasan a dinanog danog ti kainuman na iti Brgy. 20 iti ili a Sarrat.
Nabigbig ti biktima a ni JR Galapon, 35, awanan asawa ken residente iti Brgy. 21 iti nasao nga ili idinto a ti suspek ket ni Leo Mariano, 35, naasawaan, tricycle driver ken residente iti Brgy. 20 iti nasao nga ili.
Basar iti report ti PNP Sarrat, bayat nga agi-inom da Galapon iti balay da Mariano ket dita a naaddaan ti nabara a riri dagiti dua ket ditoy a dinanog-danog ti suspek iti rupa ti biktima.
Insigida a naitaray ni Galapon iti Gov. Roque Ablan Sr. Memorial Hospital ngem naideklara a pimmusay.
Iti agdama, agtultuloy iti pannakaimbestigar dagiti maseknan iti nasao nga insidente.
