LAOAG CITY – Natay ti maysa a lalaki kalpasan a maipagarop a nagbekkel iti mismo a balay na iti Barangay Vira ditoy ciudad ti Laoag.
Nabigbig ti biktima a ni Nabigbig ti Louie Salvador y Alegria, agtawen ti 43, ken residente iti nadakamat a barangay.
Segun ti report, iti panagturong dagiti kameng ti Department of Public Safety (DPS) iti balay ti biktima ket nakaiddan ti biktima iti katre na ken nakita ti lamma iti tengnged na a pagilasinan a daytoy ket nagbekkel.
Inlawlawag ni Police Master Sergeant Eric Bumagat, Desk Officer iti PNP ditoy ciudad ti Laoag, possible a naibaban dagiti kabagyan ti biktima idi nagturong dagiti kameng ti DPS iti balay da isut gapuna a nakaiddan daytoy iti katre na.
Nagkedked metten dagiti kameng ti pamilya ken kabagyan ti biktima a nagkomento mainaig iti panagpakamatay ni Salvador.
Patien met dagiti otoridad nga awan ti napasamak a foul play iti pannakatay ti nasao a biktima.
