LAOAG CITY – Natay ti maysa a lalaki kalpasan a nadesgrasya iti Laoag-Paoay Road, bisinidad iti Barangay 41, Balacad ditoy ciudad ti Laoag.
Nabigbig ti biktima a ni Donnel Gamiao Jr., addaan iti umno a tawen, taga Barangay Escoda iti ili ti Marcos ngem agdama nga agnanaed iti Barangay 50, Buttong ditoy ciudad ti Laoag.
Iti imbestigasyon dagiti otoridad, kabayatan ti panagpapa-amyanan a direksyon ti biktima a nakalugan ti motorsiklo ket aksidente a napukawan ti kontrol iti agkurba a paset ti kalsada a nangitunda ti pannakaidungpar na iti poste.
Gapu iti daytoy, nagsagaba ti nakana a sugat iti ulo ni Gamiao ken naitaray iti Governor Roque Ablan Senior Memorial Hospital (GRASMH) ditoy ciudad ti Laoag ngem naideklara a dead on arrival.
