LAOAG CITY – Natay ti maysa a lalaki kalpasan a nadesgrasya iti paset ti Barangay Lang-ayan iti ili ti Currimao idi rabii.
Daytoy ti kinumpirmaran ni Police Chief Master Sergeant Angel Baquiran Jr., ti chief investigator iti ili ti Currimao.
Binigbig ni Baquiran ti biktima a nakalugan ti Yamaha Mio a ni Michael Aries Parbo Barroga, agtawen ti 30, naasawaan ken residente iti Barangay Pimentel iti ciudad ti Batac.
Inbaga ni Baquiran a basar iti imbestigasyon da ket nakainom ti nasanger ti biktima idi napasamak ti insidente.
Innayon na a nakahelmet ti biktima ngem possible a gapu iti kinapigsa ti impact ti pannakadesgrasya na ket naburak daytoy a nagresulta ti panagsagaba na ti nakana a sugat iti ulo na.
Inpakaammo pay ni Baquiran a ti possible a makaigapu ti pannakadesgrasya ti biktima ket human error ken kondisyon iti lugar gapu ta agsalog daytoy.
