Natay ti maysa a lalaki babaen ti panagbekkel na iti bobeda ti pagtaengan da iti Brgy. Manalpac iti ili ti Solsona.
Daytoy ti inbatad ni Police Corporal Leomar Yanguas, imbestigador iti PNP Solsona kalpasan a nakita ti kabsat na a ni Isidro Ibana Jr.
Kuna na nga inusar ti a biktima a ni Loreto Ibana, agtawen ti 55, iti nylon rope.
Segun kenni Yanguas, adda ti halocination a mapaspasamak iti biktima idi bulan ti Hulyo ken ginandat na ti agpakamatay idi bulan ti Oktubre ita a tawen.
Iti naun-uneg a panagimbestigar da, naamuan ni Yanguas nga agsagsagaba ti biktima ti depresyon.
Nagpalagip ni Yanguas a saan a sulosyon ti panagpakamatay gapu ta amin a problema ket adda ti sulosyon na.
