LAOAG CITY – Natay ti maysa a lalaki kalpasan a nagbekkel iti poon ti kayo iti asideg met laeng ti balay da iti Barangay Mariquet iti ili ti Solsona.
Kinumpirmaran a mismo daytoy ni Police Capt. Chris Anthony Sorsano, ti chief of police iti ili ti Solsona.
Binigbig ni Sorsano ti biktima a ni Dexter Gapac, addaan ti umno a tawen ken residente met laeng iti nasao a barangay.
Inlawlawag ni Sorsano a basar kadagiti kabagyan ni Gapac, kadagiti naglabas nga aldaw ket madmadlaw da nga arigna mapukpukaw ti panunot na ti biktima ken makitkita pay daytoy a magmagna nga awan ti pagan-anay na.
Inbatad na a naamoan da nga insina ti nobya na ti biktima ken possible a saan a kinabaelan ti panunot na ti napasamak.
Nupay kasta, inpasingked ni Sorsano nga itultuloy da ti agimbestigar tapno maamoan no ania ti pudno a makaigapu a nagpakamatay ti biktima ken no adda ti napasamak a foul play iti napasamak.
