LAOAG CITY – Natay ti maysa a lalaki kalpasan a nalmes iti Padsan River iti Brgy. Rioeng ditoy ciudad ti Laoag.
Nabigbig ti biktima a ni Gil Rosario, agtawen ti 37, residente iti Barangay 50, Buttong ditoy ciudad ti Laoag.
Iti inisyal nga imbestigasyon, napan nagdigus ti biktima ken sumagmamagno a kakadwa na iti nasao a karayan ken maipagarop a dagitoy ket nakainom da ti arak.
Naamoan a nagbalaw laengen dagiti kakadwa na idi saan da a makita ti biktima.
Gapu iti daytoy, nagtitinnulong dagiti maseknan a nagsapol no sadinno a nabirukan da ti biktima ngem awanen ti anges na.
Kabayatanna, inbaga ni Doctor Joseph Adaya iti City Heath Office (CHO) ditoy ciudad ti Laoag nga iti panangeksamen na ti bangkay ti biktima ket awan ti nakita na a foul play iti pannakalmes na.
Immunan nga inbaga ti kabsat ti biktima a ni Mr. Michael Rosario a nagpa-birthday ti maysa kadagiti kadwa ni Gil a nangawis kenkuana.
