LAOAG CITY – Natay ti maysa a lalaki kalpasan a napalto-paltogan iti Barangay Caraitan iti ili ti Badoc.
Binigbig ni Police Captain Elison Pasamonte, chief of police ti Philippine National Police – Badoc ti biktima a ni Emmanuel Salcedo, addaan ti umno a tawen ken residente iti Barangay Cabangtaran, Sinait, Ilocos Sur.
Segun kenni Pasamonte, naggapo ti biktima iti kabagyan na iti Barangay Lubigan iti ili ti Badoc ken idi agawid a nakalugan ti motorsiklo ket pinalto-paltogan dagiti saan pay a nabigbig a suspek.
Inbatadna a naitaray iti ospital ngem naideklara a dead on arrival.
Iti agdama ket agtultuloy pay laeng ti imbestigasyon ti Philippine National Police tapno maamoan no siasinno dagiti suspek ken no anya ti motibo ti krimen.
