LAOAG CITY – Naimansayag ti bangkay ti biktima iti pagtaengan da iti Brgy Quiling Norte iti siudad ti Batac kalpasan a nadesgrasya bayat nga iturturong na ti nagluganan na a motorsiklo iti paset ti Brgy Baay iti nasao a siudad
Nabigbig ti biktima a ni John Rodelio Silio y Lingayen, agtawen ti 35, awanan asawa ken residente iti Brgy Quiling Norte iti nasao a siudad.
Segun ti imbestigasyon ti PNP, napukawan ti kontrol ti biktima gapu ta nagalis ti kalsada a poon ti pannagdesgrasya na.
Nagsagaba ti nakana a sugat ti biktima iti ulo na ken sabsabali a paset ti bagi na.
Dagus a naitaray ti biktima iti ospital ngem naideklara a dead on arrival.
