LAOAG CITY – Natay kalpasan a nadisgrasya ti agnagan iti Benjamin Calapit y Respicio, agtawen ti 60, naasawaan, construction worker ken residente ti Brgy. 21, Sta Maria, Piddig, Ilocos Norte.
Iti inbestigasyon ti PNP-Piddig kalpasan a naipakammo kadakuada ti nasao a pasamak, naamuan a naudi a nakita a sibibiag ti biktima idi kalman agarup alas 2 iti malem iti paset ti Bgy. 19 Abucay.
Rumrumuar a naaksidente ti biktima ti bagbagi na bayat a nakalugan ti motorsiklo na bayat nga agpapalaod a direksiyon iti paset ti Brgy. 20, Calluza, Piddig, Ilocos Norte.
Segun iti PNP-Piddig, posible a naatalan ti bikitma ti gutter ti dike ti karayan kalpasan na ket simmadsad iti makinkannawan a paset ti kalsada ken natennag iti agarup 15 a kadapan a kauneg na a river control dike kadua na ti motorsiklo na.
Naitaray nga insigida ti biktima iti Piddig District Hospital a no sadino a naiwayat ti post-mortem examination babaen ken ni Dr. Lorna Henarez.
Rumrumuar a napakaruan ti ulo ti biktima a rason ti in-inot nga ipupupusay na.
