LAOAG CITY – Natay ti maysa a lalaki kalpasan a nabagko-bagkong iti Brgy Bungon iti siudad ti Batac.
Nabigbig ti biktima a ni Louie Tungapalan, agtawen ti 32, maysa a constrcution worker, ken residente ti Brgy 16 iti ili a San Nicolas.
Segun ti Police Chief Insp, Sosimo Reyes, deputy chief of police ti PNP Batac, immatendar ti biktima iti maysa a pakasar iti Brgy Bungon, Batac City.
Naamuan ti PNP ti pammagkong kalpasan nga intawag ti Mariano Marcos Memorial Hospital idi naitaray ti biktima iti nasao nga ospital,
Iti inisyal nga imbestigasyon ti PNP, inbatad ni Reyes a ti nangitaray ti biktima iti ospital ket ti agnagan ti Roque Tictic a residente ti brgy Bungon Batac City.
Kuna na a nalabsan ti concerned citizen ti biktima nga agpapaarayat gapu ti sugat na.
Iti agdama, agtultuloy ti naun-uneg nga imbestigasyon dagiti otoridad kalpasan ti insidente.
