LAOAG CITY – Natay bayat a maag-agasan ti maysa a lalaki iti Mariano Marcos Memorial Hospital and Medical Center iti siudad ti Batac.
Daytoy ket kalpasan a natupakan ti kayo ti Aroo iti Brgy Elizabeth, Dingras Ilocos Norte.
Segun ti PNP Dingras, ti biktima ket ni Jun Batuon alyas Bugoy, agtawen ti 54, tubo ti Sto Domingo, Lupaw, Nueva Ecija
Iti imbestigasyon dagiti otoridad, nabaon da Batuon kenni Zaldy Luiz a mangpukan iti kayo ti Aroo iti nasao a lugar ken idi napukanen ti nasao a kayo ket naitupak ti sanga iti tengnged iti nakatakder ti biktima.
Naitaray pay laeng ti biktima iti Dingras District Hospital ken dagus a naiyakar iti Mariano Marcos Memorial Hospital idiay siudad ti Batac ngem pimmusay bayat a maag-agasan.
