LAOAG CITY – Kinumpimaran ni Police. Lt. Roi Manuel Ordonio, ti chief of police ti PNP-Pasuquin a pimmusay ti maysa kadagiti biktima ti desgrasya iti Barangay Susugaen iti nasao nga ilii.
Binigbig ni Ordonio ti natay a ni Mark Anthony Taylan a residente iti Barangay Estancia iti nasao nga ili idinto a ti kinadinnungpar na ket ni Donard Villadioda a taga Barangay Susugaen, Pinili.
Segun kenni Ordonio, bayat nga agpabagatan a direksyon ni Taylan ket nadungpar ni Villadioda ket agpaamyanan kalpasan nga immagaw ti linya.
Inlawlawag na a ni Taylan ket agawid kuma iti pagtaengan da idi napasamak ti desgrasya.
Agpapan maisursurat ti damag ket saan pay a nakumpirmaran no ni Taylan ket nakainom iti nasanger idinto a ni Villadioda ket kumpirmado nga adda iti impluwensya ti arak.
Naamoan nga agpada dagiti dua a driver a saan a nakasuot ti helmet.
Kabayatanna, kuna ni Ordonio a ni Villadioda ket awan pay ti puot na agpapan idi rabii a kalpasan ti desgrasya.
