LAOAG CITY – Natiliw ti maysa a lalaki babaen ti naiyuswat nga anti-illegal drug buybust operation iti Brgy. 28 San Bernabe, Laoag City.
Nabigbig ti suspek a ni Victorino Teñeda Jr. y Andres, agtawen 28 ken residente iti Brgy 52-B Lataag ditoy siudad.
Nakagatang ti nagpammarang a gumatang ti iligal a druga ti maysa a sachet a naglaon ti maipagarup a shabu iti balur a sangaribo a pisos manipid iti suspek.
Malaksid iti daytoy, narekobre dagiti otoridad ti lima a sachet a naglaon ti maipagarup a shabu agraman ti buybust money.
Naiget met a naglikudan ti suspek a kukua na dagiti maipagarup nga iligal a druga.
Innayon na a saan nga agus-usar iti maipagarup a shabu.
