LAOAG CITY – Natiliw ti agnagan ti Benmar Cudal, agtawen ti 30, awanan trabaho ken residente ti Brgy. Bagbag iti ili a Solsona babaen ti naiwayat a drug buy bust operation dagiti kameng ti PNP Dingras.
Naisayangkat ti operasyon iti Brgy Madamba iti ili a Dingras.
Positibo ti operasyon kalpasan a nakagatang ti nagpammarang a gumatang ti iligal a druga ti maysa a sachet a naglaon ti maipagarup a shabu nga agbalur ti 1000 a pisos kenni Cudal.
Nakumpirkar pay ti maysa a sachet a naglaon ti maipagarup a nshabu manipud ti bulsa ti suspek, maysa a ziplock ti alahas, plastic a pagipanan ti maipagarup nga iligal a druga, maysa foil, ken tallo a cellphone
Nagtalinaed ni Cudal iti kustudyar ti PNP Dingras.
