LAOAG CITY – Nagtalinaed iti kustudiyar ti PNP-Laoag ti napilaan ti reklamo a panaglabsing ti RA 10591 ken attempted homicide idiay Brgy. 17 ditoy ciudad ti Laoag.
Nabigbig daytoy a ni Joselito Almazan, agtawen ti 57, naasawaan ken residente ti Brgy. 23, Laoag idinto a dagitti biktima ket isuda Federico Corpuz, agtawen ti 58 ken Samuel Corpuz, agtawen ti 30, barangay tanod ken taga Brgy. 17 iti nasao a ciudad.
Segun ti imbestigasyon, kabayatan ti panagi-inom da ket nagriri da Almazan ken Federico isut gapo na a naganawa ni Samuel ngem ditoy a nagpangta ti suspek nga agsubli.
Kalpasan daytoy ket nagsubli ti suspek a nakaiggem ti paltog ken pinaputukan na ti biktima ngem saan a natamaan ken inulit na ngem saan a pimmutok.
Gapo iti daytoy, ginnamatan ti biktima ti ima ti suspek ket ditoy a nagubal da agingga a nagtaray ni Federico a simrek iti balay da ken dagus met a naglibas ti suspek.
Natiliw daytoy iti hot pursuit operation a nakaalaan iti ikot na ti caliber 38 nga awanan ti bala ken serial number
Nupay kasta, ginundawayan na ti Article 125 Revised Penal Code ken iyuray na ti resulta ti preliminary investigation.
