LAOAG CITY – Makaswan ti maysa a lalaki gapo ti panaglabsing na iti gun-ban kalpasan a natiliwan ti paltog bayat ti naiyuswat a Checkpoint dagiti kameng ti PNP Pasuquin.
Nabigbig ti suspek a ni Nelson Natividad a residente ti Brgy. 15. Pangil iti ili ti Pasuquin, ken dati a barangay konsehal.
Segun kenni PCI Marlon Padamada, hepe ti PNP Pasuquin, natiliw ti suspek iti paset ti Brgy. 13 iti nasao nga ili no sadinno a narekobre da iti kalibre 38 a paltog manipod iti compartment iti motorsiklo na.
Inbatad na nga awan ti umiso a dokumento ti paltog ken awan pay ti dokumento iti motorsiklo ken driver’s license iti nasao a suspek.
Iti agdama, nagtalinaed ti kustudyar ti PNP Pasuquin iti nasao a suspek.
