LAOAG CITY – Naipisuken iti Ilocos Norte Provincial Jail (INPJ) ti natiliw iti naiysuwat a drug buy bust operation idiay Barangay Madamba, Dingras.
Nabigbig daytoy a ni Elmer Ramos y Gallano, agtawen ti 23, awanan ti asawa barangay tanod ken residente iti Barangay Mandaluque iti nasao nga ili.
Ti nasao nga operasyon ket insayangkat ti PNP-San Nicolas ken nakikoordenar iti PNP-Dingras, PNP-Vintar ken pannakabagi ti Regional Intelligence Division.
Maipalagip a nakagatang ti nagpammarang a gumatang ti maysa a transparent sachet a naglaon ti shabu nga agalor ti 500 a pisos manipud iti suspek.
